WAZAZI WATAJWA KUWA CHANZO CHA MATUKIO YA UNYANYASAJI WA WATOTO

Imeelezwa kuwa suala la unyanyasaji kwa watoto hususani wanafunzi mkoani Dodoma linachangiwa na baadhi ya wazazi na walezi kutokuwa karibu na watoto hali inayowafanya watoto kujikuta wakiingia katika makundi yasiyo salama .

Hayo yamebainishwa leo na afisa elimu wa shule za msingi kutoka halmashauri ya jiji la Dodoma Mwisungu Kigosi wakati akiongea katika kikao na walimu wakuu wa shule mbalimbali za mkoa wa Dodoma kilicholenga kujadili suala la malezi kwa wanafunzi.

Afisa Elimu huyo amesema kuwa Wazazi na walezi mjini Dodoma wanatakiwa kuwa karibu kwa kufuatilia mienendo ya watoto wao pindi wawapo shuleni ili kuwaepusha na vishawishi mbalimbali wanavyokutana navyo wakati wa masomo yao hali itakayosaidia kupunguza vitendo vya unyanyasaji.

Aidha amewataka walimu kufanya kazi kwa ushirikiano na wazazi ikiwemo kuitisha mikutano ya mara kwa mara ili kuwapa taarifa juu ya mienendo ya watoto wao kwani wanaopaswa kutoa taarifa hizo kwa wazazi na walezi ni walimu wenyewe.

kwa upande wao baadhi ya walimu walioshiriki kikao hicho wamekiri kuwepo kwa baadhi ya walimu wasiowajibika kikamilifu ambapo wamesema kuwa umefika wakati sasa wa kuhakikisha wanatekeleza majukumu yao ipasavyo ikiwemo kuvaa majukumu ya uzazi na sio kuwaachia wazazi pekee jukumu la kutoa malezi bora.

NA ALFRED BULAHYA DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog