KIJANISHA DODOMA IWE POA

Katika jitihada za kuufanya mkoa wa Dodoma kuwa wa kijani imeelezwa kuwa changamoto kubwa inayowakabili wananchi ni ukosefu wa maji hasa maeneo ya vijijini.

Hayo yameelezwa na mkurugenzi wa shirika linalojihusisha na uhifadhi wa mazingira mkoani Dodoma la LEAD FOUNDATION Bwana Njamas Chiwanga wakati akizungumza na kituo hiki.

Bwana njamasi amesema ukosefu wa maji katika maeneo ya vijijini imekuwa changamoto kubwa hivyo suluhisho ni kuepuka kukata miti ya asili kutokana na miti hiyo kutokutumia maji mengi.

Shirika hilo limeanzisha kampeni ya KISIKI HAI lengo ni kuhamasisha wananchi katika mkoa wa Dodoma kuepuka kukata miti ya asili kwani miti hiyo ina kivuli cha kutosha huku akiwataka wale wenye uwezo wa kupanda miti ya kisasa kuendelea kupanda ili kuboresha mazingira.

Kwa upande wake afisa masoko wa shirika hilo bwana Godlove Kihupi amesema tangu walipoanza kampeni hiyo mwaka 2017 wamefanikiwa kwa asilimia 30 mpaka sasa.

Shirika la LEAD FOUNDATION linashirikiana na shirika la kimataifa la uholanzi la just digit lengo ni kuhamasisha wakazi mkoani Dodoma utunzaji wa miti ya asili ambapo tayari wamewafikia watu 48,000 lengo ni elimu hiyo kuwafikia wakazi 180,000.

Na Benard Filbert DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog