WAZAZI WATAKIWA KUWAPA NAFASI WATOTO KUJUA MZAZI WA PILI

Katika kudai haki ya msingi ya kumjua mzazi wa upande wa pili baba au mama katika familia walengwa ambao ni watoto wazawa wameshauriwa kubuni mbinu sahihi na kufuata taratibu ili kufanikisha lengo pasipo kupata madhara.

Ushauri huo unakuja baada ya baadhi ya familia kuwa na migogoro inayohusisha watoto na wazazi wao chanzo kikiwa ni pale mtoto anapoanza kudai haki yake ya msingi ya kutaka kumjua mzazi wake wa upande wa pili wa kike au wa kiume jambo ambalo huzua tafrani.

Akizungumza na Dodoma FM ofisini kwake mwanasheria kutoka National Attorney Advocates jijini Dodoma Bwana PAUL KUSEKWA amesema migogoro katika familia inayohusu watoto kudai kumjua mzazi wa upande wa pili bado ni tatizo hivyo amewaomba watoto kutumia njia sahihi za kupata ufumbuzi pasipo kuleta madhara huku akiwaomba nao wazazi husika kuwaonesha watoto wao wazazi wa pili kwani ni haki yao.

Amesema kudai haki kwa kutotumia taratibu kunaweza kuzua mijadala mingine na mikubwa ikiwemo kupoteza haki yako ya msingi kabisa huku akisema swala la kwa nini mzazi hataki kumwonyesha mtoto wake baba au mama inatokana na historia yao tangu kukutana.

Aidha amesema mtoto kukosa haki ya kuwajua wazazi wa pande zote mbili kunachangia kukosa mahitaji yake muhimu kama elimu chakula na malazi,huku akisema asilimia kubwa ya migogoro inayoendelea katika familia ya kumdai mzazi wa pili inaonesha wazazi wa kike wanaongoza kulalamikiwa kwa kutowaonesha watoto wao wazazi wao wa kiume.

Na RWEIKIZA KATEBALIRWE DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog