WANAHABARI NA SERIKALI WATAKIWA KUJENGA JUKWAA MOJA WASIWEKEANE MASHAKA

Rai imetolewa kwa wanahabari kushiriki katika kujenga jukwaa la habari lenye maslahi na tija baina yao na Serikali ili kuondokana na kuwekeana mashaka baina ya pande hizo mbili.

Rai hiyo imetolewa na Waziri wa Habari Sanaa Utamaduni na Michezo Dkt. Harrison Mwakyembe wakati akizungumza katika Kongamano la Maadhimisho ya kilele cha uhuru wa Vyombo vya habari yaliyofanyika katika ukumbi wa Morena Jijini Dodoma .

Waziri Mwakyembe amesema ni vyema kujenga maslah kwa pande zote ili kuondokana na mashaka ambayo Wanahabari na serikali wanawekeana.

Awali Mwenyekiti wa MISA Tanzania ambao ndio waratibu wakuu wa Maadhimisho ya Uhuru wa Vyombo vya habari Bi. Salome Kitomari amesema kumekuwa na ongezeko la matukio ya kutekwa na kuteswa kwa wanahabari ikiwemo la kupotea kwa mwandishi wa Gazeti la Mwananchi Azory Gwanda aliyetoweka mnamo mwezi Novemba mwaka jana.

Bi Kitomari ameitaka Serikali kupitia jeshi la Polisi liwatafute na kuwachukulia hatua waliotenda tukio hilo.

Aidha Kaimu Mwenyekiti kutoka jukwaa la wahariri Tanzania Deodatus Balile amesema Uhuru wa Habari Tanzania umebainika kuzorota huku mazingira ya wanahabari kuwa ya hofu kutokana na kuwepo kwa vitendo vya unyanyasaji ikiwemo kunyang’anywa vitendea kazi.

Kwa upande wake makamu wa Rais wa Klabu za waandishi wa habari nchini Tanzania UTPC Bi. Jane Mihanje ameiomba Serikali kupanua wigo wa uhuru wa vyombo vya Habari na kuwalinda kutokana na kuwa waoga kwa matukio yanayoendela juu ya Waandishi wa Habari.

Na Phinna Nimrodi Dodoma FM

Comments

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

DMG

Search This Blog