UHARIBIFU WA MISITU NDIO UNAOPELEKEA DODOMA KUWA JANGWA

Image result for UHARIBIFU MISITU DODOMA

Wananchi wa Jiji la Dodoma wameaswa kuacha uharibifu wa misitu ambao umechangia kwa kiasi kikubwa kuwepo kwa jangwa na atakayebainika hatua kali za kisheria zitachuliwa dhidi yake kutokana na kuchangia uchafuzi wa mazingira.

Rai hiyo imetolewa leo na Afisa Misitu wa Halmashauri ya jiji la Dodoma ALEXANDER KABADO wakati akizungumza na Dodoma FM juu ya tathmini ya uharibifu wa Mazingira.

Bwana Kabado amesema wanakabiliwa na wimbi kubwa la uharibifu wa misitu unaotokana na kilimo cha kuhama hama ambapo asilimia kubwa wanajihusisha na kilimo pamoja na uchomaji wa mkaa.

Ameeleza kuwa katika kukabiliana na changamoto hizo wameweka mikakati ya kuhifadhi na kuzuia uharibifu katika maeneo ya misitu na kuendelea kutoa elimu kwa jamii juu ya umuhimu wa utunzaji misitu pamoja na kuwahimiza wananchi kupanda miti katika mashamba yao.

Kwa upande wao baadhi ya wanachi wamekiri kuwepo kwa uharibifu wa misitu kutokana na matumizi ya nishati ya mkaa hali ambayo imepelekea kuwepo kwa ukame licha ya kuwepo zoezi la upandaji wa miti lakini changamoto kubwa ni ukosefu wa mvua zitakazopelekea kukua kwa miti hiyo.

katika maadhimisho ya siku ya wafanyakazi ambayo yalifanyika jana jijini Dodoma katika risala ya mgeni rasmi changamoto kubwa iliyobainishwa na mjumbe wa kamati ya utendaji TUICO mkoa kwa niaba ya wafanyakazi GODFREY NDOSHI,alibainisha mkoa wa Dodoma bado unakabiliwa na ukame pamoja na jangwa kutokana na uharibifu wa misitu.

Na,Mindi Joseph Chanzo Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog