SERIKALI YAOMBWA KURUHUSU WAGANGA WA KIENYEJI KUWA NA MSEMAJI WAO

Waganga wa tiba za asili wameshauriwa kuwa wakweli juu ya magonjwa wanayotibu pale wagonjwa wanapohitaji tiba kutoka kwao huku serikali ikiombwa kuwa bega kwa bega na sekta ya tiba za asili ili kutatua changamoto zinazoikabili.

Ushauri huo unakuja baada ya kuwepo kwa kile kinachosemekana kuwa wapo waganga wa kienyeji ambao hujivisha kofia za kutibu magonjwa yote jambo linalosemekana wao ndiyo chanzo cha mauaji ya watu wenye ualbino.

Akizungumza na Dodoma FM kupitia kipindi cha Dodoma Live katibu wa umoja wa waganga na wakunga tiba asili Tanzania (UWAWATA) Bwana LUCAS MLIPU amesema kuwa wapo waganga ambao taaluma zao sio za kiuweledi jambo ambalo uwafanya kutoa tiba za uongo na kwa masharti mazito yanayopelekea kuharibu sifa za waganga wa asili huku akiomba serikali kushirikiana na waganga wa tiba asili kuwabaini wakweli na waongo.

Bwana MLIPU ameiomba serikali itambue mchango wa uwepo wa msemaji mkuu wa tiba asili ambaye atasaidia kuelezea uwezo wa waganga hao na matabaka yao.

Naye mkurugenzi wa Taasisi ya Hope Derivery Foundation inayoshirikiana na wadau mbalimbali kudhibiti ukatili kwa watu wenye ualbino Bwana MAIKO SALALI amesema ni veyma waganga hao wakajitathimini na kutoa majibu juu ya tuhuma zinazowaandama na kuwahakikishia usalama watu wenye ualbino kwa kutowadhuru huku akisema hata wachimba madini na wafanyabiashara wanahusishwa katika vitendo hiyo kutokana na imani zao.

Na RWEIKIZA KATEBALIRWE DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog