LISHE DUNI YATAJWA KUWA CHANZO CHA UTAPIAMLO

Lishe duni kwa watoto wenye umri chini ya miaka mitano imetajwa kuwa ni miongoni mwa sababu inayopelekea watoto wengi kupatwa na tatizo la utapiamlo.

Akizungumza na kituo hiki afisa lishe mkoa wa Dodoma Bi.MARIAM ATHUMANI MWITA amesema watoto wengi waliolazwa hospitalini wanakabiliwa na tatizo la utapiamlo ambapo wazazi wamekuwa wakichangia kutowajali watoto wao kwa kuwapatia lishe bora.

Bi. Mariamu amesema utapiamlo unaathari kubwa si kwa watoto tu bali unachangia kuzorota kwa uchumi wa nchi kutokana na matibabu yake kuwa na gharama kubwa hivyo kuwataka wazazi kuitendea kazi kauli isemayo KINGA NI BORA KULIKO TIBA ili kuokoa maisha ya watoto pamoja na rasirimali zao.

Amesema dalili za awali za utapiamlo humfanya mtoto kutokuwa mchangamfu, kula chakula kingi bila kuongezeka uzito, kuvimba tumbo na miguu pamoja na kulia mara kwa mara.

Kulingana na dalili hizo wazazi wameshauriwa kuwahi katika vituo vya afya ili kupatiwa vipimo na kubaini chanzo cha tatizo hilo kutokana na kuwepo kwa vyanzo tofauti vya tatizo la utapiamlo na miongoni mwa vyanzo hivyo ikiwa ni magonjwa kama kifua kikuu na UKIMWI.

Na kwa upande wa baadhi ya wazazi wamesema watoto kukataa kula chakula ni moja kati sababu inayochangia watoto kupata utapiamlo pamoja na hali duni ya maisha ambayo inapelekea wao kukosa chakula cha lishe kwa watoto hali ambayo inapelekea kuwalisha watoto chakula wanachokula wao.

Sanjari na hayo Bi Mariamu amesema wazazi wengi wamekuwa hawazingatii uzazi wa mpango hatua ambayo inawafanya kushidwa kulea watoto wa muda wa miaka miwili na nusu kwa kuwanyonyesha maziwa ya mama pekee.

Na ANIPHA RAMADHANI DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog