KISUKARI TATIZO LINAPELEKEA WAJAWAZITO KUZAA WATOTO NJITI

Imeelezwa kuwa ugonjwa wa kisukari ni miongoni mwa sababu zinazopelekea kinamama wajawazito kujifungua watoto njiti kutokana na ugonjwa huo kuzuia mtoto kupata chakula kama inavyotakiwa awapo tumboni.

Hayo yamebainishwa na Daktari wa kitengo cha watoto kutoka Hospitali ya Rufaa Mkoani Dodoma Dr.Halima Kasimu wakati akizungumza na Dodoma FM juu ya Sababu zinazopelekea watoto kuzaliwa njiti.

Dokta Halima ameutaja ugonjwa wa kisukari kama moja ya sababu zinazosababisha mtoto kupata shida ya mahitaji muhimu kama chakula kutoka kwa mama na kumpelekea kutoka kabla ya miezi 9.

Aidha Dokta Halima amebainisha sababu nyingine inayopelekea mtoto kuzaliwa njiti kuwa ni mama kutokwa na maji kabla ya siku pamoja na mama kuwa na mapacha.

Hata hivyo amewataka kinamama wajawazito kuachana na dhana ya kujifungulia majumbani mwao na badala yake wahudhurie kliniki kama inavyotakiwa ili kuchunguzwa afya zao mapema ili kusaidia kupunguza kuzaliwa kwa watoto njiti nchini.

Dokta Halima amewataka wazazi watakaopata watoto njiti kuwalea kwa kuzingatia maelekezo kutoka kwa wataalamu ili wasiwapoteze kutokana na mtoto huyo kutokidhi baridi na kuhitaji joto la mama pekee.

Na ANIPHA RAMADHANI CHANZO:DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog