HOSPITALI YA MAKOLE JIJINI DODOMA YAANZA KUHIFADHI TAKWIMU KWA NJIA YA ELEKTRONIKI

Katika kuhakikisha takwimu za wagonjwa na watu waliofariki zinatunzwa kituo cha afya Makole Jijini Dodoma kina mkakati wa kununua talakilishi 30 zitakazo saidia kuhifadhi takwimu hizo kwa mfumo wa kidigitali.

Akizungumza na Dodoma FM Mganga Mkuu wa kituo cha afya Makole Dk.George Batiku amesema ukitaka kupata takwimu zote za wagonjwa katika hospitali kwa urahisi ni muhimu kutumia njia ya kidigitali ukitofautisha na utumiaji wa karatasi kwa ajili ya uhifadhi wa takwimu.

Dokta George amesema wameanza kutumia njia mpya za kuhifadhi taarifa kidigitali isipokuwa wanakabiliwa na changamoto ya uwepo wa talakilishi chache ambazo hazikidhi matumizi hayo lakini tayari wameagiza talakilishi hizo hivi karibuni wataanza kutumia rasmi.

Hata hivyo amesema matumizi ya digital katika shughuli za hospitali yanafaida kubwa ikiwemo urahisi wa ukusanyaji wa mapato ambapo toka wameanza kutumia mfumo huo wamebaini kuongezeka kwa kiwango kikubwa cha mapato katika hospitali ya makole.

Hivi karibuni serikali kupitia wizara ya afya ilitoa tathmini ya utafiti uliofanywa na wizara hiyo juu ya njia bora ya uhifadhi takwimu ambapo walibaini kufanya vibaya kutokana na uhifadhi wa takwimu kwa njia ya makaratasi.

Na Benard Filbert Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog