WATUMISHI WA DARASA LA SABA WALIOSIMAMISHWA KIMAKOSA KURUDISHWA KAZINI

Serikali kupitia Waziri wa Nchi, Ofisi ya Rais, Menejimenti ya Utumishi wa Umma na Utawala Bora George Mkuchika imeagiza kurudishwa kazini watumishi wote wa Umma waliofukuzwa kimakosa ikiwemo wale walioishia darasa la saba.

Waziri Mkuchika ametoa maelekezo hayo leo Bungeni mjini Dodoma wakati akitoa tamko la Serikali juu ya watumishi walio ajiriwa Serikalini kabla ya tarehe 20 mwezi mei mwaka 2004 kurudishwa kazini baada ya kuondolewa kutokana na kasoro mbalimbali zilizojitokeza.

Waziri Mkuchika amesema watumishi hao watalipwa mishahara yao katika kipindi chote walipoondolewa kazini na kuendelea na ajira zao hadi watakapostaafu kwa mujibu wa sheria

Amesema uamzi huo hautahusisha makundi ya watumishi waliowasilisha vyeti vya kugushi hata kabla ya 2004, watumishi waliokuwepo katika ajira kabla ya tarehe 20 mei mwaka 2004 ambao taarifa zao zilikuwa za uongo pamoja na watendaji wakuu wa idara waliohusika kuajiri watu wasiokuwa na sifa watachukuliwa hatua za kisheria.

Kwa mujibu wa waziri mkuchika, utekelezaji wa ajira katika utumishi wa umma tangu kuanza kutumika kwa miundo mipya, umekuwa na tafisri tofauti na kufuatia hali hiyo Serikali ilitoa maelekezo kwa waajiri kusimamisha mishahara kwa watumishi walio ajiriwa baada ya tarehe. 20 mwezi mei 2004 wakiwa hawana sifa ya kufaulu katika mitihani yao ya kidato cha nne.

Na Pius Jayunga Dodoma Fm

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog