WATANZANIA WASISITIZWA KUVAA MAVAZI YANAYOENDANA NA MAADILI YA TANZANIA

Image result for mila na desturi za mtanzania

Watanzania wametakiwa kujenga mshikamano katika kukemea mambo yanayokinzana na maadili ya kitanzania ili kuendelea kudumisha mila na desturi za nchi.

Wito huo umetolewa leo na afisa utamaduni wa manispaa ya Dodoma bw Desdeli Kuzenza wakati akizungumza na Dodoma FM kupitia kipindi cha Taswira ya Habari .

Bwana Desdeli ameyasema hayo ikiwa ni siku chache tu tangu Rais wa Jamhuri ya muungano wa Tanzania Dkt John Pombe Magufuli kukemea kitendo cha wanajamii kukiuka maadili ya uvaaji.

Amesema kuwa umefika wakati sasa wa Kuacha kuiga mambo yasiyo na tija kutoka katika mataifa mengine na badala yake kuwepo na desturi ya kuhakikisha jamii inakuwa na ushirikiano katika kukemea suala la uvaaji wa nguzo zisizokuwa na maadili ya kitanzania.

Aidha ameitaka jamii kutumia vizuri utandawazi na mitandao ya kijamii ili kujiletea manufaa kwani baadhi ya vijana wamekua wakiiga mambo mbalimbali kutoka mitandaoni jambo ambalo linasababisha kuporomoka kwa maadili ya kitanzania.

Hivi karibuni Rais wa jamhuri ya muungano wa Tanzania dkt John Pombe Magufuli alikemea vikali suala la uvaaji nguo zisizoendana na maadali ya kitanzania kwani kufanya hvyo ni kinyume na mila na desturi za Watanzania.

Na Alfred Bulahya Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog