WANANCHI WA HOMBOLO WAOMBWA KUTOFUMBIA MACHO MATUKIO YA UHALIFU

Image result for kata ya hombolo manispaa ya dodoma

Wananchi wa mtaa wa chiloloma kata ya Hombolo manispaa ya Dodoma wametakiwa kuacha kufumbia macho vitendo vya kiuhalifu kama wizi unyanyasaji na ukatili katika jamii badala yake watoe ushirikiano kwa vyombo husika kwa kutoa taarifa.

Wito huo umetolewa leo na mwenyekiti wa mtaa wa Chiloloma Gerald Mtagwa wakati akizungumza na Taswira ya habari ambapo amesema kuwa mwananchi anapoona vitendo vya uhalifu anatakiwa kutoa taarifa kwa vyombo husika ili vitendo hivyo viweze kushugulikiwa.

Amesema kuwa tunapozungumzia Tanzania ni nchi yenye amani ni usalama kwanza hivyo ni vyema jamii ikajilinda kwa kutoa taarifa mapema hata kama uhalifu unafanywa na ndugu yako kwani kufumbia macho suala hilo ni kuendeleza uhalifu.

Aidha katika kuendelea kupambana na suala la uhalifu nchini Mtagwa amezitaja changamoto wanazokabiliana nazo wakiwa katika suala la ulinzi kuwa ni pamoja na ukosefu wa vifaa mbalimbali vya ulinzi ambapo ameliomba jeshi la polisi kutafuta namna ya kutoa mafunzo sahihi ya utumiaji wa silaha kwa polisi jamii hasa katika maeneo ambayo matukio ya uhalifu yamekuwa yakijitokeza mara kwa mara.

Na Alfred Bulahya Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog