TAASISI YA HOPE DELIVERY FOUNDATION YASEMA UKATILI KWA WATU WENYE UALBINO HUTOKEA ZAIDI MIAKA MIWILI KUELEKEA UCHAGUZI

Watanzania wametakiwa kuachana na imani potofu za kuwaua watu wenye Ualbino kwa madai ya kujipatia vyeo mbalimbali.

Rai hiyo imetolewa na Mkurugenzi wa Taasisi ya Hope Delivery Foundation Michael Salali wakati akizungumza na Dodoma FM mapema leo.

Kwa mujibu wa Bwana Salali amesema kutokana na tafiti zao inaonyesha kuwa matukio mengi ya ukatili dhidi ya watu wenye ualbino hutokea ndani ya miaka miwili kuelekea uchaguzi mkuu.

Bw. Salali amesema hivi karibuni kulitokea ukatili kwa msichana mwenye ualbino ambaye alifanyiwa ukatili wa kunyolewa nywele zake pamoja na kukatwa kucha na mganga ambae alipelekwa na jirani wa familia hiyo huko wilayani Tarime.

Hata hivyo ukatili dhidi ya watu wenye ualbino umeonekana kuwa chanzo kikubwa ni waganga wa kienyeji ambao huwadanganya watu wenye mahitaji yao binafsi kwa kuwataka walete viungo vya Albino ili waweze kuitimiziwa haja zao.

Bwana Salali amesema Taasisi ya Hope Delivary Foundation anayosimamia inapaza sauti kwa jamii kwa kuitaka itambue kuwa tofauti ya watu wenye ualbino ya ngozi ni Rangi na si vinginevyo kama wanavyoaminishwa na waganga wa kienyeji.

Na ANIPHA RAMADHAN CHANZO:DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog