SERIKALI YATOLEA UFAFANUZI LENGO LA KUTOKURUHUSU KUUZA CHAKULA NJE YA NCHI

Waziri Mkuu Kasimu Majaliwa amesema lengo la kuzuia biashara ya mazao ya chakula kwenda nje ya nchi ikiwemo zao la mahindi lililenga kupunguza tatizo la upungufu wa chakula pamoja na kuimarisha viwanda vya ndani kupata mapato.

Mh. Kasimu Majaliwa ameyasema hayo leo Bungeni Mjini Dodoma katika kipindi cha maswali ya papo kwa hapo kwa Waziri Mkuu wakati akijibu swali la Mbunge Aidan Khenan aliehoji ni lini Serikali itaruhusu mazao ya chakula kuuzwa nje ya Nchi.

Waziri Mkuu amesema baada ya Serikali kuzuia mazao hayo kuuzwa nje ya Nchi imesaidia kupunguza tatizo la njaa kwa wananchi na kutokana na mvua zinazoendelea kunyesha kwa msimu huu huwenda ikasaidia kupatikana kwa chakula cha kutosha na hivyo kufungua fursa ya soko la mazao hayo nje ya nchi.

Aidha Waziri Mkuu Kasimu Majaliwa amesema Serikali imefanya jitihada za kuboresha sekta ya kilimo kwa kutoa pembejeo za kilimo kulingana na uhitaji, mbolea na madawa pamoja na kuimarisha kilimo cha kitaalamu ambacho kitasaidia kuzalisha zao la mahindi kwa wingi.

Katika hatua nyingine Waziri Mkuu Kasimu Majaliwa ametoa wito kwa wananchi kuzitumia ipasavyo mvua zinazoendelea kunyesha kwa kulima mazao ya biashara ikiwemo mahindi, pamba, kahawa, chai na Serikali itashirikiana kwa karibu na wakulima hao kutafuta fursa za masoko.

Na Pius Jayunga Dodoma FM.

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog