NAIBU WAZIRI WA AFYA : BADO HAIJAPATIKANA DAWA YA KUTIBU UGONJWA WA KISUKARI

Image result for Naibu Waziri Ndugulile bungeni

Naibu Waziri wa afya maendeleo ya jamii jinsia wazee na watoto Dr. Faustine Ndugulile amesema mpaka sasa bado haijapatikana dawa rasmi inayoweza kutibu ugonjwa wa kisukari licha ya tafiti mbalimbali zinazoendelea kufanyika.

Dr. Faustine ametoa ufafanuzi huo leo Bungeni Mjini Dodoma wakati akijibu swali la Mbunge wa viti maalumu Dr. Christine Gabriel Ishengoma aliehoji Serkali ina mpango gani kufanya utafiti kuhusu dawa za kutibu ugonjwa huo.

Naibu Waziri wa Afya amesema mpaka sasa Duniani kote bado haijapatikana dawa inayoweza kutibu ugonjwa wa kisukari na kinachofanyika kwa sasa ni mgonjwa kupatiwa matibabu ya kiwango bora cha kumuwezesha kuishi ili kuvilinda viungo vingine visiathiriwe.

Amesema pamoja na tafiti zinazoendelea kufanyika Duniani ili kufanikisha upatikanaji wa dawa zitakazokuwa na uwezo wa kutibu ugonjwa wa kisukari zinajumuisha tafiti za kutengeneza seli za kongosho na kisha kuzipandikiza na baada ya tafiti hizo kukamilika na kuleta mafanikio serikali ya Tanzania itahakikisha huduma hiyo inapatikana hapa Nchini.

Katika hatua nyingine Dr. Faustine ametoa rai kwa wananchi wakiwemo wazazi kuzingatia misingi ya lishe kwa watoto wao ili kuepusha uzito uliopitiliza, kufanya mazoezi ya mara kwa mara hatua inayoweza kusaidia kujiepusha na ugonjwa huo.

Na Pius Jayunga Dodoma FM Radio

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog