WINGI WA WANAFUNZI WAPELEKEA SHULE KUGAWANYWA MARA MBILI

Uongozi wa Halmashauri ya Wilaya ya Kongwa wanatarajia kuigawanya shule ya msingi Ibwaga mara tu zitakapopatikana fedha za kufanikisha ujenzi huo kutokana na wingi wa wanafunzi katika shule hiyo pamoja na wale wanaoendelea kuandikishwa.

Mkurugenzi Mtendaji wa Halshauri ya Wilaya ya Kongwa Bw. Ngusa Izengo ameyasema hayo wakati akiongea na kituo hiki kwa njia ya simu ikiwa ni siku chache baada ya kituo hiki kufika katika shule ya msingi Ibwaga na kujionea changamoto ya upungu wa matundu ya vyoo.

Amesema kutokana na shule hiyo kuwa na eneo kubwa la kutosha hivyo wanafikiria kuanzisha shule nyingine ili kupunguza msongamano wa watoto katika shule hiyo ambayo inakadiriwa kufikia idadi ya wanafunzi 1000 huku ikikabiliwa na upungufu wa matundu ya vyoo yapatayo 41.

Amesema changamoto hiyo inatarajiwa kutatuliwa ndani ya mwezi wa tatu mwaka huu kutokana na jitihada zinazoendelea kuchukuliwa huku mkakati mkubwa ikiwa ni kuigawanya shule hiyo ili kuondoa msongamano wa wanafunzi.

Mwishoni mwa wiki iliyopita kituo hiki kilitembelea katika shule ya msingi Ibwaga WilayanI Kongwa na kuzungumza na makamu mkuu wa shule hiyo Mwalimu Edefrida Mzeru ambapo alibainisha wazi kuwepo kwa changamoto ya upungufu wa matundu ya vyoo 49 lakini yaliyopo kwa sasa ni matundu 10 pekee.

Na Pius Jayunga Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog