WAZAZI WAHIMIZWA KUWAPIMA WATOTO WAO VVU ILI KUWALINDA NA MAAMBUKIZI

Katibu wa baraza la taifa la watu wanaoishi na virusi vya ukimwi manispaa ya Dodoma ENOCK ANDREA amewahimiza Wazazi kuzingatia kuwapima watoto wao na kufahamu afya zao ili kuwalinda na kuwaweka katika mazingira salama.

Akizungumza na Dodoma FM kupitia kipindi cha Taswira ya habari amesema kuwa mwitikio wa wazazi katika kupima virusi vya ukimwi hauridhishi kwani wengi wao hawajiamini na kupelekea kushindwa kuwapeleka watoto wao kwenye vituo vya afya ili kutambua afya zao.

Katika hatua nyingine ameongeza kuwa kuna watoto ambao wanazaliwa na maambukizi ya virusi vya ukimwi hivyo kuwapeleka watoto mapema kupimwa afya zao ina rahisisha kuwatambua na kuwapa uangalizi mzuri

Kwa upande wake kaimu mwenyekiti wa baraza la watu wanaoishi na virusi vya ukimwi mkoani hapa DORAH MWAUKO ameongeza kuwa wamekuwa na utaratibu wa kuwahamasisha wazazi kwa kuwapatia elimu ya umuhimu wa upimaji afya za watoto ili kuwakinga na maambukizi.

Baadhi ya wazazi wamekili kuwa kuna kasumba ya baadhi ya wazazi ambao wamekuwa wakiwalea watoto wao pasipo kujua afya zao na hivyo kusababisha watoto wao kutokuwa na mazoea ya kwenda kupima afya zao wanapokuwa watu wazima.

Na,Mindi Joseph Dodoma Fm

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog