WATUMISHI NCHINI WASHAURIWA KUJIUNGA NA VYAMA VYA MIKOPO

Katibu mkuu wizara ya ulinzi na jeshi la kujenga Taifa Dk.Florence Tuluka amewataka watumishi nchini kujiunga na vyama vya akiba na mikopo (SACCOS) ili kupata nafuu ya maisha watakapostaafu.

Katika ufunguzi wa semina ya wakuu wa vyuo,shule na makamanda wa vikosi iliyofanyika mkoani Dodoma Dr Florence amesema kila mtumishi ana wajibu wa kujiwekea akiba pia kukopa katika saccos kutokana na riba nafuu zinazotolewa ambazo zipo tofauti na maeneo mengine wanayokopesha.

Aidha amesema Pamoja na elimu ya ushirika na ujasiliamali inayotolewa lakini kila mmoja ana wajibu wa kujiunga na Ngome Saccos ili kujiwekea akiba na kupata mikopo kwa kuwa mtumishi yeyote ni mstaafu mtarajiwa.

Tuluka ameongeza kuwa semina wanayoifanya itawawezesha kufahamu utendaji kazi wa SACCOS pia itawashawishi wakuu ambao hawajajiunga na chama hicho cha kuweka na kukopa waweze kujiunga.

Hata hivyo amesema elimu ya ushirika ambayo itatolewa ina umuhimu wa kipekee katika kuujenga ushirika imara na itawaongoza katika kutekeleza majukumu yao ya kila siku.

NGOME SACCOS ilipata usajili mwaka 1967 na kuanza kutumika mwaka 2007 ikiwa na lengo la kutoa mikopo ya dharura, mikopo ya maendeleo na mikopo ya wastaafu.

Mariam Matundu Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog