WANANCHI WAMETAKIWA KUSHIRIKI KATIKA MIKUTANO KUTAMBUA FURSA ZA KIUCHUMI.

Image result for MTANDAO WA ASASI ZA KIRAIA NGONEDO

Wadau wa maendeleo mkoani Dodoma wameshauriwa kujenga desturi ya kushiriki katika shughuli mbalimbali za maendeleo ili kuendelea kuzitambua fursa zitakazowawezesha kushiriki kikamilifu katika kukuza uchumi wa nchi kupitia nyanja tofauti.

Ushauri huo umetolewa na mratibu wa programu za utoaji taarifa kutoka katika Mtandao wa Asasi za kiraia mkoani Dodoma NGONEDO Bwana Edward Mbogo wakati akizungumza na Dodoma FM .

Bwana Mbogo amesema kuwa ili kuendelea kukuza uchumi wa nchi ni lazima kila mdau na mwananchi kushiriki kikamilifu katika maendeleo mbalimbali kupitia mikutano ya kimfumo,kutoka katika ngazi za vitongoji vijiji na kata ili kubaini fursa mbalimbali zitakazowasaidia kujikwamua kimaisha.

Aidha ameitaka jamii mjini Dodoma kujijengea tabia ya kuhudhuria katika mikutao ili kuleta maendeleo chanya na kuachana na tabia ya kutohudhuria kwenye vikao mbalimbali ili kuongeza uwazi na uwajibika katika kazi.

NGO NETWORK FOR DODOMA REGION (NGONEDO) ni taasisi iliyoanzishwa mkoani Dodoma mnamo mwaka 2000 kwa lengo la kuwezesha maendeleo jumuishi kwa jamii ili kujenga uwezo wa kuimarisha haki za binadamu,utawala bora, kubadilishana uzoefu wa taarifa pamoja na kuratibu shughuli mbalimbali za maendeleo.

Na Alfred Bulahya DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog