VIJANA KUJIUNGA KATIKA MAKUNDI NA KUFANYA UHALIFU NI CHANGAMOTO KUBWA KATA YA KIZOTA MJINI DODOMA

Image result for Kata Kizota Manispaa ya Dodoma

Makundi ya vijana wanaofanya uhalifu yameibuka katika kata ya kizota Manispaa ya Dodoma na kupelekea hali ya usalama kutokuwa nzuri.

Akizungumza na Dodoma FM Kupitia Taswira ya habari Afisa mtendaji wa kata ya Kizota Bi LOYCE JOEL amesema yapo makundi ya vijana kutoka katika mitaa tofauti iliyoko katika kata hiyo kwa kushirikiana na makundi mengine kutoka maeneo jirani na Kizota hutekeleza uhalifu huo hasa nyakati za usiku kwa kuvunja milango na kupora baadhi ya mali za wananchi pindi wanapokuwa wamelala.

Bi LOYCE amesema kutokana na doria inayofanywa na polisi jamii kwa kushirikiana na polisi kata imebainika kuwa makundi hayo yanaundwa na vijana kutoka mitaa ya Mbuyuni na Sokoine huku kundi shiriki kutoka jirani likiwa linatokea Chinangari West.

Amesema makundi hayo ya uhalifu yanashirikisha vijana wadogo kwani wengi wao wako kati ya umri wa miaka 16-18 huku akikemea kitendo cha kutolewa kwa dhamana pindi wanapokamatwa na kufikishwa polisi jambo ambalo amesema linapunguza adhabu kwani ilitakiwa wawe wanakaa angalau miezi sita ili kujifunza na kujirudi kimakosa.

Afisa mtendaji huyo ametoa wito kwa wazazi na walezi kuwakanya vijana hao kwani bado wanahitaji malezi kutoka kwao kulingana na umri wao kuwa mdogo kwani kwa kutofanya hivyo sheria itachukua mkondo wake na kuwatia hatiani.

Na RWEIKIZA KATEBALIRWE DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog