UHAMISHO WA KITUO CHA MABASI MJINI DODOMA WAENDELEA KUKWAMA KUTOKANA NA MVUA

Image result for STENDI YA MABASI DODOMA

Mvua zinazoendelea kunyesha na kutokuwepo kwa miundombinu muhImu katika eneo la Nanenane mjini Dodoma zimesababisha zoezi la kuhamisha standi ya mabasi kama ilivyokusudiwa.

Akizungumza na Dodoma FM Radio Afisa mfawidhi wa mamlaka ya udhibiti usafiri wa nchi kavu na majini Sumatra mkoa wa Dodoma bwana Konradi Shio amesema awali zoezi hilo lililokuwa lifanyike wiki iliyopita halikufanyika kwa kutokuwepo na miundombinu rafiki katika eneo hilo huku akiitaja miundombinu hiyo kuwa ni eneo la kukaa abiria wakati wa mvua, umeme, vyoo pamoja na njia za kupita mabasi.

Bwana Shio amesema Sumatra mkoa wa Dodoma kwa kushirikiana na wadau wengine likiwemo jeshi la polisi kitengo cha usalama barabarani wanaendelea na utaratibu wa kutengeneza mazingira rafiki kwani wanaandaa kituo kidogo cha magari maalumu yatakayokuwa yanasafirisha abiria kuelekea katika standi ya muda ya mabasi makubwa ili kuwaepushia gharama kubwa abiria kama kukodi pikipiki bajaji au taksii ili kuelekea kituoni hapo.

Bwana Shio mesema kwa mujibu wa muda wa wiki moja uliyoombwa na wamiliki wa mabasi kuendelea kuwepo katika standi inayotumika kwa sasa umeisha hivyo zoezi la kuhamisha standi hiyo linatarajia kufanyika kunako wiki hii kwa mujibu wa maelekezo.

Na RWEIKIZA KATEBALIRWE DODOMA FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog