RAIS MAGUFULI KUWEKA JIWE LA MSINGI MRADI WA RELI YA KISASA DODOMA.

Rais wa Jamhuri ya Muungano wa Tanzania Dkt John Pombe Magufuli anatarajiwa kuweka jiwe la msingi kwenye ujenzi wa mradi wa reli ya kisasa na ya mwendo kasi, katika kipande cha kutoka Mororgoro kuelekea mjini Dodoma .

Akiongea na Dodoma FM Mkuu wa Mkoa wa Dodoma Dokta Binilith Mahenge amesema kuwa zoezi hilo litafanyika mapema kesho machi 14 katika eneo la kituo cha reli cha Ihumwa nje kidogo ya mji wa Dodoma.

Amewataka wananchi mjini hapa kujitokeza kwa wingi ili kumuunga mkono rais Magufuli kwani reli hiyo itawasaidia wakazi wa Dodoma kupata ajira, sanjari na kuongeza wawekezaji watakaotokana na urahisishaji wa usafirishaji wa bidhaa utakaokuwa ukifanywa na Treni ya kisasa.

Aidha DK Mahenge amewatoa hofu wananchi juu ya namna ya kufika katika eneo la Ihumwa akisema kuwa kutakuwa na treni zitakazobeba wananchi kuwapeleka katika eneo husika huku akitaja ratiba na muda wa treni hizo kuondoka itakuwa ni majira ya usiku.

Hata hivyo kituo hiki kimezungumza na baadhi ya wakazi wa mji wa Dodoma ambapo wamesema kuwa mradi huo utasaidia kurahisisha suala la usafiri kutumia muda mfupi ukilinganisha na usafiri wa magari huku wengine wakimuomba Mh.Raisi kutumia fursa hii kutatua changamoto mbalimbali zilizopo mkoani Dodoma .

Na Alfred Bulahya Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog