UPUNGUFU WA VYOO WAWAPA CHANGAMOTO WANAFUNZI WA KIKE KIPINDI CHA HEDHI

Shule ya Msingi IBWAGA iliyopo Wilaya ya Kongwa Mkoani Dodoma inakabiliwa na changamoto ya upungufu wa matundu ya vyoo hali inayo wapa wakati mgumu wanafunzi hasa wa kike wawapo katika kipindi cha hedhi.

Shule ya Msingi IBWAGA inakabiliwa na uhaba wa vyoo ambapo ina uhitaji wa jumla ya matundu ya vyoo 41 ambapo yaliyopo ni matundu 10 pekee .

Akiongea na Dodoma fm Mwalimu Mkuu Msaidizi katika shule hiyo Mw. EDEFRIDA MZERU amesema kuwa vyoo walivyo navyo ni vya muda mrefu na baadhi ya vyoo hivyo havina milango hali inayowapa wakati mgumu wanafunzi wa kike wakati wa kujisaidia kipindi cha hedhi.

Baadhi ya wanafunzi wa kike katika shule hiyo wameiomba serikali kuwasaidi kuondokana na changamoto hiyo ya upungufu wa vyoo na kusema kuwa hali hiyo imekuwa ikipelekea wakati mwingine kuchelewa kuingia darasani kutokana na foleni iliyoko wakati wa kwenda kujisaidia.

Hata hivyo Mwalimu Mzeru amesema shule inajitahidi kuhakikisha inaondokana na changamoto waliyo nayo ya uhaba wa matundu ya vyoo na kwamba tayari wamekwishaanza ujenzi wa chumba kimoja kwa ajili ya choo kwa wanafunzi wa kike.

Na Phina Nimrod Chanzo:Dodoma FM

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog