WAZAZI KAENI KARIBU NA WATOTO WENU WAKIHITIMU DARASA LA SABA

Wazazi na walezi wametakiwa kuwa karibu na watoto wao pindi wanapohitimu elimu ya Darasa la saba ikiwa ni pamoja na kuzungumza nao namna ya kuishi na kuepuka vishawishi mbalimbali ikiwemo mimba za utotoni katika kipindi cha kusubiri matokeo.

Akizungumza na Taswira ya habari Mkaguzi Msaidizi wa Polisi Dawati la Jinsia Bi. Lovie Mhena amesema katika kipindi cha Darasa la saba ndicho kipindi cha ukuaji wa watoto hivyo wazazi wanapaswa kutenga muda wa kuzungumza na mtoto stadi mbalimbali za maisha ili waweze kuwa salama pindi matokeo yanapotoka.

Image may contain: 1 person, sitting and indoor

Bi. Lovie amesema kuwa wapo wazazi ambao wamekuwa wakitengemea walimu katika kuzungumza na watoto wao mbinu mbalimbali za kuepukana na vishawishi kutokana na sababu mbalimbali wanazokuwa nazo ikiwemo kubanwa na majukumu ya kikazi hali inayopelekea baadhi ya watoto kupata mimba za utotoni.

Kwa upande wake mzazi Miriam Sauli amewaomba wanafunzi kutambua kwamba elimu ni kitu cha msingi na wanatakiwa kujiandaa kwa kujilinda katika kipindi chote cha kusubiri matokeo ya kuingia kidato cha kwanza.

Bi. Lovie amewataka wanafunzi hao kutokubweteka na kutorubunika na vishawishi wanavyokutana navyo katika kipindi hicho cha kusubiri matokeo na kutambua kuwa wanasafari ndefu katika masomo yao hivyo wajitunze ili kuepuka kukatisha masomo yao kwa kupata mimba.

Comments

WAJAWAZITO WASHAURIWA KUTUMIA VIDONGE VYA FOLIC ACID KUEPUKA WATOTO VILEMA

Mama wajawazito wameshuriwa kutumia dawa aina ya FOLIC ACID katika kipindi cha miezi mitatu ya mwanzo ya ujauzito ili kuepuka kupata mtoto mwenye mapungufu. Rai hiyo imetolewa na Daktari kutoka Hospitali ya Matovyolwa mjini Dodoma Dk.MUBARACK ISSA ALI wakati akizungumza na Dodoma FM juu ya athari zitokanazo na mama kutotumia dawa hizo. Dr Mubarack amesema katika kipindi cha ujauzito mama huwa anapitia changamoto nyingi hivyo ni vyema akatumia dawa aina ya FOLIC ACID ili kuepuka kupata mtoto mwenye tatizo la mgongo wazi, kichwa kikubwa pamoja na upungufu wa damu. Aidha Dk. Mubarack amesema ili kuepuka kupata mtoto njiti kipofu na kusababisha kifo kwa mtoto ni vyema mama akaepuka matumizi ya pombe, dawa za kulev...

MIKOA INAYOONGOZA KWA UKEKETAJI TANZANIA YATAJWA

Mila potofu katika jamii ya kimasai imetajwa kuwa changamoto kwa maafisa ustawi wa jamii wa halimashauri ya wilaya ya Ngorongoro kutokana na kukosa ushirikiano wa kutatua Tatizo la ukeketaji kwa jamii hiyo. Akizungumza na waandishi ya habari Afisa Ustawi Wa jamii Bwana ALOYCE LOLIKISWALI katika semina iliyoandaliwa na Shirika la Umoja wa Mataifa la Elimu Sanyansi na Utamaduni UNESCO kwa lengo la kupinga ukeketaji wa wanawake amesema kukosekana kwa ushirikiano kwa jamii imekuwa ni changamoto ambayo imepelekea kushindwa kudhibiti ukeketaji pamoja na ukatili wa kijinsia. Kwa upande wake Mwenyekiti wa Malaigwanan Bwana JOSEPH TIRIPAI amebainisha kuwa mila na desturi zao zitabadilika kulingana na wakati lakini watahakikisha wanalinda watoto wanaozaliwa kutokeketwa na kusisitiza elimu kuendelea kutolewa hususani shuleni. Katika hatua nyingine mratibu wa afya ya mama na mtoto ameeleza kuwa wanawake wajawazito waliokeketwa wanalazimika kujifug...

MITI YA KIVULI MAARUFU KAMA PANGA UZAZI YAZUA TAHARUKI WILAYANI BAHI DODOMA

Mganga Mkuu wa Wilaya ya Bahi Jijini Dodoma Dk.Philipina Philipo amewatoa hofu wakazi wa Wilaya hiyo juu ya taarifa za kuwepo kwa madhara katika miti ya kivuli maarufu kama PANGA UZAZI ambayo imezua hofu kwa wananchi hao. Hoja hiyo imeibuliwa katika kikao cha Baraza la Madiwani wa halmashauri hiyo ambapo baadhi ya madiwani wameomba kupatiwa ufafanuzi kuhusu kuwepo kwa fununu kuwa mti huo una madhara na kuongeza kuwa baadhi ya wananchi wameanza kuikata wakihofia kupatwa na madhara hayo. Akitoa ufafanuzi kuhusu miti hiyo Mganga Mkuu wa Wilaya Dk.Philipina Philipo amesema hadi hivi sasa hakuna utafiti wowote uliofanyika na kubainisha kuwa mti huo hauna madhara hivyo wananchi hawana haja ya kuhofia chochote. Kutokana na Majibu hayo ya DK PHILIPINA yamepelekea kuibua kwa hoja nyingine kwa madi...

DMG

Search This Blog